Plantun de Prouvènço

Pèr coumpara dos planto d'encò nostre

Eragrostis pilosa & Echium creticum

Eragrostis pilosa

Poaceae Graminaceae

Noms en français : Éragrostide poilue, Éragrostide à manchettes.

Descripcioun :
Aquesto raro eragroustido es uno planto pulèu pichoto (5 à 50 cm) en mato laco e en paniculo flaco d'espigueto de 3-7 x 1-1,5 mm emé 4 à 12 flour. Trachis dins li limas de ribiero e li tepiero sablouso. I'a ges de glando sus li fueio, nimai d'anèu glandoulous souto lou nous d'en bas de l'enflourejado. Apoundèn que lou fru (cariopse) a de fino reticulacioun e li glumo soun pas gaire carenado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Eragrostis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 7 mm
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Jun à setèmbre

Liò : Limas de ribiero - Tepiero sablouso
Estànci : Termoumediterran à Coulinen
Couroulougi : Cousmoupoulito
Ref. sc. : Eragrostis pilosa (L.) P.Beauv., 1812

Suçamèlo(-de-Crèto)

Echium creticum

Boraginaceae

Nom en français : Vipérine de Crète.

Descripcioun :
Aquelo suçamèlo trachis dins li tepiero seco e lis éusiero sus sòu séusous. Se recounèis à si lònguis enflourejado e à si gràndi flour roujo que podon faire fin qu'à 35 mm de long. Li fueio de la baso porton un pecou. A la subsp. dóu nostre, ié dison creticum.

Usanço :
Couneissèn pas d'usanço particuliero pèr aquelo planto. Li flour dèvon èstre bono à suça coume pèr sa cousino. Escriéure au site se n'en sabès mai.